கவிவலம்

மூளை மடிப்புகள் மறையச் செய்தாள் வலப் பக்கம் மட்டும் சற்றே விட்டுச் சென்றாள் கவிதை பாடி பிழைக்கட்டு மென... அவளின்  பா ஆடை போர்த்தி ஓர் தலையணை செய்தேன் -  மடி துயிலுவதாக கற்பனை கொண்டேன்... பிரிந்த பின்பும் பிழறாத நினைவு பெற்றேன்....

காதல் கூற‌ காலம் தாழ்த்தியதோ காதல் கூறி காத்தி றாததோ காலனான தென் காதலுக்கு.....

உதடு சுழித்து ஊதுகிறாய் பென்சில் சில்லுகளை பெண்ணே சில்லென்ற கை கொண்டென் கண் திறந்து, என் ஆவி எரிகிறது உன் வாய் மொழிந்த ஆக்சிஜன் கொண்டு கண்கள் மூடின தானாக உந்தன் நேர்பார்வை எதிர்க்காமல் , பென்சில் மேல் பழி செய்து பெண்ணே உன் கண் பாய்ந்தால் நெஞ்சத்தில் காதல் பதியமாகும் I love u சொல்ல வந்தேன் Eye கொடுத்த நம்பிக்கையில் அர்த்தமற்ற புன்னகை உதிர்த்து அர்த்தம் புரியலன்னு சொல்லி சென்றாய் தந்தைக்கு transfer என்று கடல் கூட துட்சம் ஆகும் என் காதல் தாகத்திற்கு கண்ணீரே மிச்சம் ஆனது கண்ணே நீ சென்ற பிறகு நாத்திகம் மறந்து போனேன், நாட்கள் பல கழித்து நானுனை கண்டதுமே... குறிப்பு: இது என் முதல் முயற்சி. நண்பனிடம் கதை கேட்டு காட்சிகளுக்கு கவிதை எழுதுவது. முடிந்த மட்டும் முயன்றிருக்கிறேன், முறையற்ற பிழைகளை முறையே கண்டித்திடுங்கள் களைந்திட...

ஆயிரம் ஒத்திகைகள் இப்படித்தான் கூற வேண்டுமென அவளிடம்... அத்தனையும் தெரிவித்தாள் அழகிய சிறு முத்தத்தால் சப்தமின்றி...

கண்ணைக் கட்டி துயில முயல்கிறேன் மனதை கிளருமவள் நினைவுகளை மறைக்க முடியாமல்... தனியொரு பேருந்து பயணத்தின் பொழுது, தூக்கம் வராமல் மழையின் குளிரால் காதுடன் கண்ணையும் கட்டி மனதை கட்டாமல் விட்டதால் விழுந்த சில வரிகள்... வழக்கம் போல் அவள் ஒட்டிக்கொண்டது... :)

அவள் சுவாசத்தால் குளிர்ந்த குளம்பியும் அமிழ்தாய் சுவைக்கிறது தெளிவாய் குழம்புகிறது மனம் ... ஒரு மருத்துவமனையின் சில பல நலம் விசாரணைகளுக்குப் பிறகு நடந்த சந்திப்பின் நினைவுகள். என் நிலையறிந்து குளம்பியின் வெப்பம் தணித்து பருக தந்தவளுக்கு நன்றியாக சிந்திய சில வரிகள்...

தினமும் உன்னிடம் தோற்பது மகிழ்ச்சியே காதல் உரைத்த தினம் தவிர ...

தொட்டால் சினுங்கியோ என் மனம்! தொடுகிறாய் மயிலிறகால் - நீ மீண்டும் தீண்ட இலை மடங்கா விரியவோ இல்லையுன் ஏமாற்றம் தவிர்த்திடவோ

சொல்ல நினைக்கையில் வாய்ப்பு இல்லை வாய்ப்பு கிடைக்கையில் வார்த்தை இல்லை கூற‌... என்னுள்ளே சிறு எண்ணம்‍ ‍ அது உன்னுள்ளே உரு பெற்றிருந்தால் உன் உள்ளம் ஏற்றுக் கொண்டால்... மணம் கொள்ள‌ மனம் கொள்வீர்... என் எண் சொல்கிறேன்... என் சொல்வீரோ..!?

நட்பெனும் ஆரம் வரைந்து நங்கையுன் மனதினைச் சுற்றி வந்தேன் நானுமறியாமல் நாமுமறியாமல் நெருங்குகையில் நட்பைத் தொலைத்தேனோ ?!!

குட்டி நாய் போல் உன்னையே சுற்றி வரும் என் மனம்...

உன்னிடம் மட்டுமென் மனம் குழைகிறது உன் மக்களைப் பார்த்தபின் மனம் விழைகிறது உன்னுடன் வாழ மணம்புரிந்து ...

பசிக்கிறது பண்பட்ட உணவும் அருகில் புசிக்க மறுக்கும் மனம்... ஏனென்று கேட்கிறாள் எதுவும் தெரியாதது போல...

அவளை அவளிடத்தில் பார்த்தது முதல் மதியிழந்தேன் அவளுந்தான்... அவசரமெனத் தெரிந்தும் கொஞ்சம் கொஞ்சமென அதிகம் பரிமாறினாள்...

உன் இருப்பு உண்மையா பொய்யா கானல் நீர் போல பொய்த்து மெய்யாகிறாய் - வெறும் மெய்யாகிறாய் ...

விழிக்கும் மொழிக்குமான போரில் உதிர்கின்றன ஊனமான கவிதைகள் ...

கால அட்டவணை அமைத்து காதல் சொல்கிறோம் - ஒவ்வொரு பெண்ணு மொரு பாடமாக - ப ல தோல்விகள் கண்டு தேர்ந்திடுவோம் ஒன்றிலாவது ...

தரிசனம் தந்து கல் எறிகிறாய், என் மனமெனும் குளத்தில்..

கூடவும் இல்லை குறையவும் இல்லை நமக்கிடையே யான நெருக்கம் நான் காதலை வெளிப்படுத்திய பின்பும் ...

என்னைத் தவிர எல்லோர்க்கும் தெரிந்தது போல் உணர்கிறேன் - நீ என்னை காதலிப்பது