பேறு

தாயின் மடியில்
தவழ்ந்து
தந்தையின் தோள் மீது
வளர்ந்து
தாதி ஒருத்தியின் கை
பிடித்து
இல்லறம் களித்தேன்
போதும் - இனி
பரமனே உன்
பாதம் பற்றிடும்
பேறு ஒன்றே
வேண்டும்...

நெருக்கம்

கூடவும் இல்லை
குறையவும் இல்லை
நமக்கிடையேயான நெருக்கம்
நான் காதலை
வெளிப்படுத்திய பின்பும்...

காதலி

என்னைத் தவிர
எல்லோர்க்கும் தெரிந்தது போல்
உணர்கிறேன் - நீ
என்னை காதலிப்பது

முத்தம்

சாயம் பூசிய உதடுகளால்
சிவந்தன என் கன்னங்கள்
வெட்கம்...

தூண்டில்

தவறுவதற்காக விடப்பட்டதோ
தவறி விழுந்ததோ
நெற்றியில் சரியும்
கற்றை முடி...

தவறாது அகப்படுகின்றன
தோகைத் தூண்டிலில்
என் கண்கள்...

அமைதி

பிறப்பதற்கு முன் இருந்த
மன நிலை பெற்றேன்...

இறந்த பின் வரும்
அமைதி பெற்றேன்...

மரணத் தருவாயில்

வியர்வையின் சுவை

அறிகின்றேன்...
என்றன்

ஆறடி மண்
அகழ்கையில்...

காதலியல்

எனக்குத் தெரிந்த
புவியியல் இவ்வளவுதான்...
என் வீடு, பள்ளி, கல்லூரி,
மைதானம் மற்றும் அவளின்
காலடித் தடம்...

பௌதீகம்
பொய்க்கிறது...
என் வினைகளுக்கு
எதிர் வினையற்று போகையில்...

ஒற்றைப் பார்வை

உன்
ஒற்றைப் பார்வைக்காக‌
பலர் காத்திருக்க ‍‍...
உன்
தரிசனமே வரமென்
தவத்திற்கு...

அலைவு நேரம்

வாழ்நாளின் நொடிகள்
பூரணமடை கின்றன - உன்
காதணியின் ஒவ்வொரு
அலைவிலும்...

தெரிந்த முகம்

பெயர் தெரியவில்லை
ஊர் தெரியவில்லை
எங்கே பார்த்தோம் என்றும் நினைவில்லை...

முகம் மட்டும் தெரிகிறதென்
அகத்திற்கு...

மறந்தும்
மறக்கவில்லை நான்...
இருந்தும் இல்லையென‌ இயம்பியது
முகம்...

எதுவும் கேட்கவில்லை
முகம் மட்டும் தெரிகிறதென்
அகத்திற்கு...

இடைத்தேர்தல்

இலவசங்களுக்கு இணைப்பாகும்
ஓட்டு குவியலுக்கிடையே ‍இன்னும்
ஒட்டிக் கிடக்கின்றது நம்
ஜன நாயகத்தின் உயிர்...
உழுபவனின் வயிற்றைப் போல...
நெய்பவனின் ஆடையைப் போல...

இடைத்தேர்தல்
இடை
திரைப்படப் பாடலுக்கிடையிடையே
தோன்றுவது போல‌
நடக்கிறது...

கட்சித் தாவல்கள் நம்
மூதாதையோர்களின் எஞ்சிய‌
மரபணு படுத்தும் பாடு...

முறைப்படி கொள்முதலாகா
நெற்களஞ்சியம்
விற்கப்படுகிறது ரூபாய்க்கு...

ஊருக்கு பொதுவாகவொரு
தொலைக்காட்சி எனும் நிலைமாறி
வீட்டிற்கொன்றென சமத்துவம்
பேசுகிறது...

ஆரம்ப சுகாதார நிலையங்களுக்கே
மருத்துவம் தேவைப்படுவதால்
மருத்துவ காப்பீட்டுத் திட்டம்
தனியாரை நாடிச் செல்லுமாறு*...

ஓட்டுப் பதிவு வீதம் அதிகரிக்க...
ஜன நாயகம் உயிர்த்தெழ...
மக்களோடு மக்களாக‌
எட்டே கோடியில் வீடுகட்டி வாழும்
ஏழைப் பங்காளனுக்கு
மறந்தும் வாக்களிப்பீர்...

* விதிமுறைகளுக்கு உட்பட்டது...

கைக்குட்டை

வியர்வையில் நனைந்த
முகத்தை துடைத்தேன்
முகமெங்கும் முத்தம் - உன்
கைக்குட்டை ...

தேர்தல்

தூரத்தில் ஓடுகிறான் ஒருவன்...
எதற்காக ...?
தண்ணீர் தேடி ..!
தாயைக் காண ..!
காதலைக் கூற ..!
தன் மழலையைப் பார்க்க ..!
எதற்காக ...
யாரோ வோட்டு கேட்டு
வர்ராங்களாம் ...

நாய் பயம்

முன் நின்று குறைக்கும்
நாய்கள் கண்டு பயமில்லை - பயம்
நடக்கையில் ஆடையின் உரசலும்
நாயின் மூச்சுக் காற்று...
பின் தொடரும் நாய் ...

அமாவாசை

இது என் முதல் ஹைக்கூ !?

அமாவாசை இரவில்
கண் மூடிக் கொள்ள
பயம்...

என் இதயம்

நீ கண் இமைக்கையில் உன்
கண்ணிமைகளின் இடையில்
சிக்கிக் கொள்ளும் என் இதயம்...
இயக்கப்படுகிறது...
உன் கண்ணசைவுகளால்...

தமிழினத் தலைவர்

காஞ்சீபுரத்தில் இலங்கைத் தமிழர்களுக்காக நடத்திய போராட்டத்தில் கலந்து கொண்ட மக்களின் முகத்தையும் மனதையும் கண்டு எழுந்த போலிக் கோபத்தில் எழுதிய சில வரிகள்...

தலைவா எங்களுக்கு
வழிகாட்டுங்கள்...
அனுமன் போல் சென்று
இலங்கையை எ( தி ) ரிக்கிறோம்...
எங்கள் நெருப்பு
தீயவர்களை மட்டும் சுடும்...
நம்பிய தொண்டனை வழிநடத்துவான்
நல்ல தலைவன்...
தமிழினத் தலைவரெனப் படுபவரே
வழி தெரியாமல் விழிக்காதீர்...
என் செய்வதென்று கை விரிக்காதீர்...
உங்களால் முடியும்
எங்கள் இரத்தங்களை கண்டு
கண்ணீர் விடவும்...
நாங்கள் உணவின்றி இறக்கையில்
ஒரு வேலை உணவை துறக்கவும்...
எங்கள் ஓலங்களுக்கு நடுவே
தந்தி கம்பிகளை மீட்டவும்...
மட்டுமே முடியும்... மிஞ்சினால்
மனிதச் சங்கிலியும், கடை அடைப்பும்...
சிங்கத் தமிழர்களின் உயிர்க் காற்று
சிங்கள அரசை அசைக்கிறதோ இல்லையோ
தெரிந்தோ தெரியாமலோ
தமிழக அரசின் நாற்காலியை
ஆட்டம் காணச் செய்து விட்டது...
குடும்பத்தையே தாண்டிவர இயலா
குரலூவியத்தின் அறிக்கை
"தமிழுக்கும் தமிழனுக்கும் ஆபத்தென்றால் நான் போராடுவேன்"
எங்களின் ஆழ்ந்த துக்கத்திலும்
சற்றே நகைப்பைத் தருகிறது... நன்றி
மதுரை மைந்தனின் பாதுகாப்பிற்கு
மத்திய படையை கேளுங்கள் ...
குண்டுகளின் கூடாரம் நடுவே
நாங்கள் சுகமாக உள்ளோம்...
மனைவியார், துணைவியார், மகள், பேரன்,
புத்திரர்கள் மற்றும் சூத்திரர்கள் சுழ
வெற்றிப் போராட்டம் முடித்திரோ..?
"சேது விற்கோ பாலம் அமைப்போம்" என்றான் பாரதி
எங்கள் தளபதியால் தேங்கும் சிறு
சேறுக்கும் சிக்னலுக்கும் பாலமமைக் கவே
நேரம் போதவில்லை... இடையில் சேது எங்கே..?
ஐயா போரை நிறுத்த இராணுவம் வேண்டாம்
இரத்தத்தில் தமிழ்ப் பற்றுரிய
தூதுவரை நிற்பந்திக்கலமே..!
அடுத்த முறை உணவு, மருந்து
கொணரும் கப்பலுடன் நம்பினால்
இரவா வரமருளும் அமிர்தத்தையும்
இறந்தவரை உயிர்ப்பிக்கும் மருந்தையும்
அனுப்பிடுங்கள் ... எங்கள் அனுதாபியே..!

நிழல்

நிழல் போல்
நீளும் குறையும்

ஒருபோதும்
அழியாது - உன் மீதான
அன்பு...

மாற்றம்

கூரையின் திறப்பு வழியே
நிலவைப் பிடிக்க
நீளும் கைகள்

நீ நிலவாக மாறினாயோ...!
நிலா நீயாக மாறியதோ...!

ஒன்று மட்டும் உண்மை
நான் நானாக இல்லை...?

புறை

ஒரு மதிய உணவின் போது புறை ஏற, அருகில் அமர்ந்தவர்களுக்கு சில சோற்று பருக்கைகளை பகிர்கையில் (சந்தேகமின்றி எச்சில் பருக்கைதான்) என் சிந்தையிலிருந்து தெறித்த கவிதை.

எனக்கு புறை ஏறும்
போதெல்லாம்
உன்னை நினைக்கிறேன்...

தாகம்

நான் தாகத்தில் தவிக்கையில்

சாக்கடையில் நீர் அருந்தும்

நாய்

அறிமுகம்

நானும் பச்சையப்பனும், கல்லூரியில் படித்தகாலங்களில் இருந்து கவிதைகள் என்ற பெயரில் கொடுமை செய்ய ஆரம்பித்துவிட்டோம் :)

இப்போது அதை இன்னும் கொஞ்சம் தீவிரமாக செய்ய எண்ணியுள்ளோம். ஏற்கனவே என்னுடைய பதிவு தமிழ்மணத்தில் உள்ளது.

கவிதை பற்றிய வரைமுறைகள் ஏதுமின்றி, கன்னா பின்னாவென்று எழுதி அதற்கு கவிதை என்று பெயர் சூட்டும் அந்த கொடுமையை நாங்களும் இனி செய்யக்கூடும்.

உங்கள் மேலான ஆதரவையும், திட்டுகளையும் தெரிவித்து உங்கள் பொன்னான ஓட்டுக்களை எங்களுக்கே போடுங்கள் என்று கேட்டுக்கொள்கின்றோம்.

ஒரு குட்டி கவிதையுடன்:

தெரிந்த இடத்தில் நடந்தாலும்,
நடக்கும்போது தெரிவதில்லை
சினிமா ஷூட்டிங்

கண்ணாடி

அவள் முகம் பார்க்க - என்

கண்கள் ஆடிகளாயின...

பசி Hunger

காம்பென என் கைவிரல்களை சூப்புகையில்
என் கடை நரம்பும் உணர்ந்தன
உன் பசியை - நெரிசலான
ஒரு பேருந்து பிரயாணத்தில்