இப்போதே இன்றேல் எப்போதோ...?
கவிதை யாயினும் கணிணிப் பணியாயினும்
பொறி தோன்றியதும் வரைவெடுத்திடு
எத்தனை வரிகள் என்பதைவிட
எத்தனை வேகம் என்பதே
சிறந்த scriptஐ தீர்மானம் செய்யும்...
உலகம் சுருங்கியது
தொலைவினால் அல்ல
நேரத்தினால்...
கணிணி யுகத்தில்
நேரம் மில்லி, மைக்ரோ, நானோ கடந்து பிகோ வரை
பகுக்க
நாம் இன்னும் ஆமை முயல் கதைக்கிறோம்...
வானவியலில் நேரத்தை கணக்கிட்டு
தூரத்தை அளக்கிறோம்...
கானவியலில் இசை கோர்ப்பு
நேர இடைவெளிகளுக்கேற்ற
ஒலி கற்றைகளின் சேர்ப்பு...
ஒன்றையொன்று முந்த
ஓடும் முட்களை
நாமும் துரத்துவோம்...
காலத்தை வென்றிடுவோம்...
