kaalan

காதல் கூற‌
காலம் தாழ்த்தியதோ
காதல் கூறி
காத்தி றாததோ
காலனான தென்
காதலுக்கு.....

வலி Vali

இடுப்பு வலிக்கையில் 
காலால் உதைக்கும் சுட்டி 
குழந்தை...

எத்தனை சுகம் 
அத்தனை வலியிலும்...

குழந்தை எழுத்து

நான்கு "A"
நான்கு "B" பிறகே "C" வருகிறது
அதுவும் நான்கு முறை வந்து
அடுத்த எழுத்துக்கு செல்கிறது...

நான் கைபிடித்து எழுதுகையில்
என் கைபிடித்து கற்றுத்தரும்
குழந்தை...

என் கோபம்

என் கோபம்
எனை மட்டும் தாக்கும்
என்றிருந்தேன்... உண்மைதான்

கோபத்தின் மௌனம்
குறி வைத்தது
எனை சூழ்ந்திருக்கும்
எத்தனை எத்தனை
(கதை) மாந்தர்களை..?

அறியா காதல்

உதடு சுழித்து ஊதுகிறாய்
பென்சில் சில்லுகளை
பெண்ணே சில்லென்ற கை கொண்டென் கண் திறந்து,
என் ஆவி எரிகிறது
உன் வாய் மொழிந்த ஆக்சிஜன் கொண்டு

கண்கள் மூடின தானாக உந்தன்
நேர்பார்வை எதிர்க்காமல் ,
பென்சில் மேல் பழி செய்து

பெண்ணே உன்
கண் பாய்ந்தால் நெஞ்சத்தில்
காதல் பதியமாகும்

I love u சொல்ல வந்தேன்
Eye கொடுத்த நம்பிக்கையில்
அர்த்தமற்ற புன்னகை உதிர்த்து
அர்த்தம் புரியலன்னு
சொல்லி சென்றாய்
தந்தைக்கு transfer என்று

கடல் கூட துட்சம் ஆகும் என்
காதல் தாகத்திற்கு
கண்ணீரே மிச்சம் ஆனது
கண்ணே நீ சென்ற பிறகு

நாத்திகம் மறந்து போனேன்,
நாட்கள் பல கழித்து
நானுனை கண்டதுமே...


குறிப்பு:
இது என் முதல் முயற்சி. நண்பனிடம் கதை கேட்டு காட்சிகளுக்கு கவிதை எழுதுவது.
முடிந்த மட்டும் முயன்றிருக்கிறேன், முறையற்ற பிழைகளை முறையே கண்டித்திடுங்கள் களைந்திட...

அவளின் முத்தம்

ஆயிரம் ஒத்திகைகள்
இப்படித்தான் கூற வேண்டுமென
அவளிடம்...
அத்தனையும் தெரிவித்தாள்
அழகிய
சிறு முத்தத்தால்
சப்தமின்றி...

ஒளி காற்று

மயக்கும் மாலைப்பொழுது
மாடங்கள் அடைக்கப்படுகின்றன
மின்சாரம் வந்ததாம்...

காதல் சாமிகள்

அவள் பார்க்கையில் அவனும்
அவன் பார்க்கையில் அவளும்
அம்மனை பார்க்கின்றனர்...

விதி

நடக்காதென தெரிந்தும்
நம்புகிறது மனம்
நடக்கும் நிகழ்வு
நடக்காதென...


என்னைச் சுற்றி நிகழும் நிகழ்வுகளால் குழம்பியஎன் நெஞ்சத்தின் உளறல்...

கண் கட்டி வித்தை

கண்ணைக் கட்டி
துயில முயல்கிறேன்
மனதை கிளருமவள்
நினைவுகளை மறைக்க முடியாமல்...



தனியொரு பேருந்து பயணத்தின் பொழுது, தூக்கம் வராமல் மழையின் குளிரால் காதுடன் கண்ணையும் கட்டி மனதை கட்டாமல் விட்டதால் விழுந்த சில வரிகள்...
வழக்கம் போல் அவள் ஒட்டிக்கொண்டது... :)

குளம்பியகம்

அவள் சுவாசத்தால்
குளிர்ந்த குளம்பியும்
அமிழ்தாய் சுவைக்கிறது

தெளிவாய் குழம்புகிறது
மனம்...



ஒரு மருத்துவமனையின் சில பல நலம் விசாரணைகளுக்குப் பிறகு நடந்த சந்திப்பின் நினைவுகள்.
என் நிலையறிந்து குளம்பியின் வெப்பம் தணித்து பருக தந்தவளுக்கு நன்றியாக சிந்திய சில வரிகள்...

தோல்வி

தினமும் உன்னிடம்
தோற்பது மகிழ்ச்சியே
காதல் உரைத்த
தினம் தவிர...

குழப்பம்

தொட்டால் சினுங்கியோ என் மனம்!
தொடுகிறாய் மயிலிறகால் - நீ மீண்டும்
தீண்ட இலை மடங்கா விரியவோ
இல்லையுன் ஏமாற்றம் தவிர்த்திடவோ

அக்கறை

இன்றைய பயணத்தில் என்னைத் தொடர்ந்த மேகத்திற்கு நன்றி.
நிழலுடன் ஒரு கவிதை தந்தமைக்காக...
ஏன் "அவளின் பயணம்" என கேட்கலாம்,
தவிர்க்க நினைத்தாலும் மறக்காமல் ஒட்டிக்கொள்ளும் வார்த்தை "அவள்"... என் செய்ய...

நிழல் தர என்னைத்
தொடரும் மேகம் போல்
அவளின் பயணம்...


தூக்கம் வராத நேற்றைய இரவின் காட்சியானது "நான் மகான் அல்ல".
தந்தையின் மறைவினால் வருந்தி தமையன் பாடுவதாக வரும் வரிகள்...

அழக்கூடாது என
அறிவுரை கூறி - இன்று நான்
அழ காரணம்
ஆகினாய்...

மனத் துளிகள்

என் உடனிருப்பவர்களின் ஆசைகளே
என்னைச் செலுத்தும் விசை...


தொலைவிலொரு புள்ளி
நோக்குகையில் நெருங்குகிறது...
நெருங்குகையில் விலகுகிறது...


மதம் மாற சட்டம்
வகை செய்யும்...
சாதிகள் மட்டுமென்ன‌
குற்றம் செய்தனவோ..?

மனதிலே

சொல்ல நினைக்கையில்
வாய்ப்பு இல்லை
வாய்ப்பு கிடைக்கையில்
வார்த்தை இல்லை கூற‌...

என்னுள்ளே சிறு
எண்ணம்‍ ‍ அது
உன்னுள்ளே உரு
பெற்றிருந்தால்
உன் உள்ளம்
ஏற்றுக் கொண்டால்...

மணம் கொள்ள‌
மனம் கொள்வீர்...

என் எண் சொல்கிறேன்...
என் சொல்வீரோ..!?

காதலாகி

நட்பெனும் ஆரம் வரைந்து
நங்கையுன் மனதினைச் சுற்றி வந்தேன்
நானுமறியாமல் நாமுமறியாமல்
நெருங்குகையில்
நட்பைத் தொலைத்தேனோ ?!!

குழைவு

குட்டி நாய் போல்

உன்னையே சுற்றி வரும்

என் மனம்...

பிதற்றல்

உன்னிடம் மட்டுமென்
மனம் குழைகிறது
உன் மக்களைப் பார்த்தபின்
மனம் விழைகிறது
உன்னுடன் வாழ
மணம்புரிந்து ...

Greenpeace - Inspiring Action

ஆண்மை

ஆண்மை உணர்ந்ததும்
வெட்கம்
விலகியது
என்னிடம் ...

மண வாழ்த்து

ஒரு நின் அல்லது பிறிது யாதும் இலனே *

அகநா னூற்றின் வழி பற்றி
அகம் உடையார் கைப் பற்றி
அவ்வப்போது கர்வமெனும் களை பறித்து
அளவான பொய்கள் பல பெற்றெடுத்து
அழகான காதல் கலை கற்றிடுவீர்
அற்புதமான காதல் கதிர் வளர்த்திடுவீர்

ஈதலும்** துய்த்தலும்***
இருவரின் இல்வாழ்வாக வாழ்த்துவன்...

மணநாள் விக்ருதி வைகாசி பனிரெண்டு

----------------------------------------------------------------------
* நின்னையே யன்றி வேறுஎத்துணையும் இல்லேன்
** இரவலர்க்குக் கொடுத்தலும்
*** இன்பங்களை அனுபவித்தலும்

காரணம்

பசிக்கிறது
பண்பட்ட உணவும் அருகில்
புசிக்க மறுக்கும் மனம்...
ஏனென்று கேட்கிறாள்
எதுவும் தெரியாதது போல...

பார்வை

நிறம் தெரியாதஎன்
கண்களுக்கு முத்தம்
தரும்
வண்ணத்துப் பூச்சிகள்...

அன்புடன்

அவளை
அவளிடத்தில் பார்த்தது
முதல்
மதியிழந்தேன்
அவளுந்தான்...
அவசரமெனத் தெரிந்தும்
கொஞ்சம் கொஞ்சமென
அதிகம் பரிமாறினாள்...

மதம் நெரிசலில்

என்
கழுத்தின் கருப்பு கயிற்றையும்
அவளின்
சிலுவையையும் கட்டி விளையாடும்
சிறு குழந்தை
நெற்றிஇடித்து முகம்
நிறையும் குங்குமம்
நெரிசலான பேருந்து
பயணத்தில்...

தல !

அவனின்
வெள்ளித்திரை
குணங்களை விட
வெளிப்படையான
வெளிப்படும் செயல்களுக்கு
அதிகம்
ரசிகர்கள்...

இருப்பு

உன் இருப்பு
உண்மையா பொய்யா
கானல் நீர் போல
பொய்த்து
மெய்யாகிறாய் - வெறும்
மெய்யாகிறாய்...

காதல் போர்

விழிக்கும் மொழிக்குமான
போரில்
உதிர்கின்றன
ஊனமான கவிதைகள்...

அதிஷ்டம்

எதிர்பார்க்கும் நேரத்தில்
எதிர்பாராது கிடைத்த
இரு இட்லிக்காக
மகிழ்கிறேன் - மேலும்
ஒன்று கேட்கையில்
தீர்ந்த போது...

தனிமையின் மொழி

தொலைதூர பயணத்தில்
நானும் நானுமற்ற என்
தனிமையும் உறவாடுகிறோம்
ஒலி, வரி அற்ற மொழியில்...

விலைவாசி

பயணச் சீட்டிற்கு
பணமில்லா நாளொன்றில்
பாதி ஊர்வலத்தில்
பங்குபெற்றேன்
விலைவாசி உயர்வை எதிர்த்து...

வரவேற்ப்பு

உறவினரை
கண்ணீருடன் வரவேற்கிறாள்
இறந்த வீடு

விலை ஏற்றம்

எவ்வளவு குடித்தாலும்
ஏறவில்லை போதை - ‍விலை
ஏற்றம்...

வினம்பரம் செய்யாதீர்

விளம்பரம் செய்யாதீ ரென செய்யும்
விளம்பரத்திற்கு அபராதம் எத்தனை...

காதல் பாடம்

கால அட்டவணை அமைத்து
காதல் சொல்கிறோம் - ஒவ்வொரு
பெண்ணு மொரு
பாடமாக - பல
தோல்விகள் கண்டு
தேர்ந்திடுவோம் ஒன்றிலாவது...

தொகுதி மேம்பாடு

மாறிடும் பெயர்ப் பலகை
மாறாத நிழற்குடை
மாண்புமிகு ______ இன் தொகுதி நிதியால்
மேம்படுத்தப்பட்டது...

குழப்பம்

தரிசனம் தந்து
கல் எறிகிறாய், என்
மனமெனும் குளத்தில்..

கொலையின் வலி

கொலையுண்டவனின்
குழந்தையை கையில்
சுமக்கையில் உணர்கிறேன்
கொலையின் வலியை...
கொலையின் கனத்தை...